မိုးကုတ်ဆရာတော် ဘုရားကြိး၏ သုသိမ ပရဗိုဇ်
ဥပမာပြ တရားတော်
>>>အပိုင်း
(၄)<<<<
۞ဘုရားထံသွားမေးတယ်
*******************
ဘုရားဆီရောက်ပြန်တော့၊ အရှင်ဘုရား၊ အရှင်ဘုရား၊ ဟို ….ကိုယ်တော်တွေကို
တပည့်တော်သွားမေးတယ်၊ သူတို့က ရဟန္တာဖြစ်ပြီ၊ ခိဏဇာတိလို့လဲ ပြောကြတယ်၊ ပဋိသန္ဓေနေမှု ကုန်ပြီလို့လဲ ပြောကြတယ်။
۞နောက်ကအကြောင်းတွေ
သိရဲ့လား
****************************
ဒါဖြင့် ကိုယ်တော်တို့ ကောင်းကင်ပျံ မြေလျှိုး၊ သူတစ်ပါးပြောတာတွေ
ကြားနိုင်ရဲ့လား၊ ရှေ့အကြောင်း၊ နောက်အကြောင်းတွေ သိရဲ့လားလို့မေးတော့… တို့ မသိဘူးလို့လဲ
ဖြေတယ်။
သူတို့က ..ပညာဝိမုတ္တ၊ ပညာနဲ့ ကိလေသာမှ လွတ်လာတာလို့ ဖြေတယ်…(မှန်ပါ)၊
သုက္ခဝိပဿက ( သုက္ခဝိပဿက ပုဂ္ဂိုလ်၊ ဈာန်ခန်းခြောက်သော ပုဂ္ဂိုလ်၊ ဈာန်မပါဘဲ ရဟန္တာဖြစ်လာသော
ပုဂ္ဂိုလ်ကို ဆိုလိုသည်) လို့ ကျုပ်တို့ အခုသိနေကြတဲ့ အဓိပ္ပါယ် ရောက်တာပေါ့ဗျာ..(မှန်ပါ)။
ပညာနဲ့ ကိလေသာမှ လွတ်လာတာလို့ဖြေတော့..၊ သူတို့ပြောတာ တပည့်တော်မရှင်းပါဘူးတဲ့…(မှန်ပါ)။
ဟိုကပြောတော့လည်း ရှင်းနေတာပဲ။ သူကနားမလည်လို့ ခက်နေတာ..(မှန်ပါ)။ သဘောကျပြီလား { ဒကာ ဒကာမတို့ }..(သဘောကျပါပြီဘုရား)။
ဝိပဿနာ ပညာတစ်ခုတည်း လုပ်တာနဲ့ ကိစ္စပြီးတယ်လို့ ပြောတာ၊
ခင်ဗျားတို့ အားတက်ဖို့ပြောပါတယ်…(မှန်ပါ)။ ဒါနဲ့ ဘုရားသခင် ကိုယ်တော်မြတ်ကြီးက ဖြေလိုက်တယ်။
ပုဗ္ဗေခေါ သုသိမ ဓမ္မဌိတိဥာဏံ၊ ပစ္ဆာနိဗ္ဗာနေ ဥာဏံ။
۞ရှေ့က
ဝိပဿနာဥာဏ်
*******************
ဒါကလေး ဘုရားဖြေလိုက်တယ်။ သုသိမ = သုသိမရဟန်း၊ ပုဗ္ဗေ =
ရှေ့ကာလ၌ ၊ ဓမ္မဌိတိဥာဏံ = ဝိပဿနာ ဥာဏ်သည်၊ ဟောတိ = ဖြစ်၏။ ပစ္ဆာ = နောက်ကာလ၌၊ နိဗ္ဗာနေ
ဥာဏံ = နိဗ္ဗာန်သိတဲ့ ဥာဏ်သည်၊ ဟောတိ = ဖြစ်၏။
ရှေ့က ဝိပဿနာဥာဏ်၊ နောက်က နိဗ္ဗာန်သိတဲ့ ဥာဏ်၊ သည်နှစ်ဥာဏ်နဲ့
ရောက်တာပဲ…(မှန်လှပါဘုရား)။ ဒါကို ဘုရားဖြေလိုက်တယ်။ အင်မတန် အရေးကြီးတဲ့ တရားဗျာ…
(မှန်ပါ)။
အင်မတန် အရေးကြီးတဲ့တရား၊ ဒကာ ဒကာမတို့..ရှေ့က ဘာဥာဏ်တုန်း…(ဓမ္မတိဥာဏ်ပါဘုရား)
ဓမ္မတိဥာဏ်ဆိုတာ မြန်မာလိုပြန်လိုက်တော့၊ ခင်ဗျားတို့ ရှုနေတဲ့ ဝိပဿနာဥာဏ်ပဲ…(မှန်ပါ)။
۞နောက်ကနိဗ္ဗာန်
မြင်တဲ့ ဥာဏ်
***********************
နောက်ကျတော့ ဘာဥာဏ်တဲ့… (နိဗ္ဗန္ဒဥာဏ်ပါဘုရား)။ နိဗ္ဗာန်မြင်တဲ့ဥာဏ်
(ဝါ) နိဗ္ဗိန္ဒဥာဏ်ပေါ့ဗျာ…. (မှန်ပါ) နှစ်ဥာဏ်ပဲဟောတယ်။
တစ်ချို့နေရာတွေမှာ ဘုန်းကြီးဟောနေကျဖြစ်တဲ့ သုံးဥာဏ်နဲ့
ဟောတယ်။ ယခု သုသိမကျတော့ နှစ်ဥာဏ်နဲ့ ဟောတော်မူလိုက်တယ်…(မှန်ပါ)။
ရှေ့က ဘာဥာဏ်ပါလိမ့် (ဓမ္မဌိတိ ဥာဏ်ပါဘုရား)။ ၀ိပဿနာ ဥာဏ်ဆိုလိုက်ပါတော့ { ကိုထွန်းဦးရာ }… (မှန်ပါ)။ ဓမ္မဌိတိ ဥာဏ်ဆိုတော့
လူတိုင်း မကြားဖူးဘူး… (မှန်ပါ)။
۞သုသိမကို
နှစ်ဥာဏ်ပဲဟောတယ်
*************************
ဓမ္မဌိတိဥာဏန္တိ ဝိပဿနာဥာဏံလို့ အဌကထာမှာ ဖွင့်တယ်…(မှန်ပါ)။
ရှေ့ပိုင်းက ဘာပါလိမ့် ဒကာ ဒကာမတို့…(၀ိပဿနာ ဥာဏ်ပါဘုရား။
အဲ…ခင်ဗျားတို့ ရှု ရှုနေတဲ့ ဖြစ်ပျက် မြင်တဲ့ဥာဏ်၊ ဖြစ်ပျက်
မုန်းတဲ့ဥာဏ် ကိုဆိုတာ…(မှန်ပါ)။ ရိပ်မိပလား..(ရိပ်မိပါပြီ ဘုရား)။
နောက်က နိဗ္ဗာန်မြင်တဲ့ ဥာဏ်ဆိုတော့ မဂ်ဥာဏ်ပေါ့..(မှန်ပါ)။
အဲ…နှစ်ဥာဏ်နဲ့ သူတို့ ကိလေသာမှ လွတ်လာတာ။ ဒါကြောင့် ဥာဏ်သမားသက်သက်ပဲ၊ ဈာန်သမားမဟုတ်ဘူး…
(မှန်ပါ)။သဘောကျပြီလား…(သဘောကျပါပြီ ဘုရား)။
ဈာန် သမာဓိလမ်းက မဟုတ်ဘူး။ ဥာဏ်သက်သက်နဲ့ နိဗ္ဗာန်ဝင်သွားတာလို့
ဟောလိုက်တယ်။ ဒါလဲ သူနည်းမလည်ဘူး…(မှန်ပါ)။ ရှေ့က ဝိပဿနာဥာဏ်၊ နောက် ဝိပဿနာ ရင့်ကျပ်
လာတော့ မဂ်ဥာဏ်ဖြစ်တယ်ကွ.
>>>>>>အပိုင်း(၅)
ဆက်ပါမည်<<<<<<
သတ္တဝါမှန်သရွေ့
တရားတွေ့ ချမ်းမြေ့ကြပါစေ…
အဓိပတိ (မြန်မာ)
No comments:
Post a Comment