*နန်းမတော်မယ်နုအရှုပ်တော်ပုံ**
*********************************
နန်းမတော်မယ်နုအကြောင်းပြောရမည်ဆိုလျှင်တိုတိုလေးနှင့်ရေးလို့မရပေ
ပြောမဆုံးပေါင်တောသုံးတောင်မက ရှုပ်ထွေးပွေလီလှသော
ကုန်းဘောင်းမင်းဆက်(၇)ဆက်မြောက်တွင် ဖြစ်ပေါ်ခဲ့သောအရှုပ်တော်ပုံရဲ့
ဒါရိုက်တာကြီးမှာ နန်းမတော်မယ်နုဖြစ်နေပြီး ( မိန်းမဖျက်လို့ ပြည်ပျက်)
တယ်ဆိုတဲ့စကားဟာသူတို့မြေးအဖွားနှစ်ယောက်(အဖွားနန်းမတော်မယ်နုမြေး
စုဖရားလတ်)်ကြောင့်များ ပြောဆိုခဲ့ကြသလားမသိပါ..
မယ်နုဟု လူသိများသည့်
ဘကြီးတော်စစ်ကိုင်းမင်း၏မိဖုရားခေါင်ကြီးသည် မြတောင်မြို့စား သီပေါမင်း၏
မိဖုရား စုဖရားလတ်၏အဘွားပင် ဖြစ်ပါသည်။
မောင်းထောင်ဆရာတော်သည်
လေးကြိမ်မြောက် အဝတည် မင်းတရား၏ မိဖုရားခေါင်ရှင် မယ်နုကို
'အသမႝန္နခတ္တိယအနွယ် ဖြစ်တော်မူသော ရှင်မိဖုရားသည်' ဟု နိဂုံးအုပ်
သမိုင်းထိုးရချေသည်။ စင်စစ်ကား ထိုရှင်မိဖုရားသည် ဒီပဲရင်းကျေး
ဖလံကုန်းရွာသူ သမီး ဖြစ်သည်။ (ဝိနန္ဒသဘ ၊ သီလဝိသောဓနိ ၊ ရန်ကုန် ၊ သုဓမ္မဝတီ၊
၁၉၅၈ ၊ ၈၈။)“ဟူ၍ မှတ်ချက်အရ ရိုးရိုးတောရွာသူတစ်ယောက် အဖြစ်မှ ရှင်ဘုရင်မှ
မိဖုရားအရာမြှောက်စားသဖြင့် မင်းမျိုးနွယ်အဖြစ် သတ်မှတ်လိုက်ရခြင်းကို
ဆိုလိုပေသည်။ အပျိုဖြန်းအရွယ် မယ်နုမြစ်ဆိပ်၌ရေချိုးစဉ်
ကမ်းပေါ်တွင်ချန်ရစ်သည့် ထမီကိုငှက်ကချီယူပြီး
ဘုရင့်နန်းတော်မှန်ကင်းတွင်ထားရာမှ ထင်ရှားလာပြီးနောက်တွင်
ဘုရင့်မိဖုရားအဖြစ်ကောက်ယူခံခြင်းဖြစ်သည်ဟု ဆိုကြပါသည်။
မိဘုရားခေါင်ကြီးကွယ်လွန်ပြီးနောက်တွင် မယ်နု၏သြဇာမှာ
နန်းတွင်းတွင်ပင်ဘုရင့်ကိုကျော်လွန်ကာကြီးထွားလာပြီး
မောင်တော်စပ်သစလင်မြို့စားမောင်အိုအား မင်းဆွေမင်းမျိုးအဆောင်အယောင်ဖြင့်
မင်းသားတစ်ပါးကဲ့သို့ ချီးမြှောက်စေသည်။ ဘကြီးတော်ဘုရား၏ ညီတော်
သာယာဝတီမင်းသားမှ ပုန်ကန်ရာအောင်မြင်ခဲ့ပြီး နောင်တော်ဖြစ်သူ
ဘကြီးတော်ဘုရားနှင့်နန်းမတော်မယ်နုတို့နှစ်ဦးအားအကျယ်ချုပ်ဖြင့်နေစေသော်လည်း
မကြာမီ စိတ်မချသဖြင့် မယ်နုနှင့် အပေါင်းအပါများအား ကွပ်မျက်ခဲ့သည်။
သံတော်ဆင့် ငရွှေသားကို တောင်ဥယျာဉ်တော် အတွင်း ရှေ့တော်တွင် စစ်မေးကာလ
နောင်တော်မင်းတရား မိဖုရားကြီးက မောင်တော်သူ “စလင်းစားဦးအိုနှင့်
အကျဉ်းခံနေရသူ မှူးတော် မတ်ဟောင်းတို့ကို တိတ်တဆိတ် တိုင်ပင်
စည်းကြပ်ရကြောင်း စည်းကြပ်ရာတွင် ပါဝင်သူ မှူးဟောင်း မတ်ဟောင်းတို့ကလည်း
မင်းဧရာဇ် ရန်ကင်းတောင်သို့ ထွက်တော်မူသည့် အတွင်း ညဥ့်အခါ အမရပူရ
ရွှေနန်းတော်သို့ ဝင်၍ တိုက်ခိုက် စီးနင်းမည့် သူပုန်တို့နှင့်
စကားချိန်းချက်၍ လာစေကြောင်းများကို အစစ်ခံချက် ရသည်ဖြစ်၍ နောင်တော်
မင်းတရား မိဖုရားကြီးကိုလည်း တောင် ဥယျာဉ်တော် အတွင်း သံတော်ဆင့်
ငရွှေသားနှင့် တိုက်ဆိုင် စစ်မေးရာ ဖြောင့်ဆို စစ်မေးချက်ရ၍
မိဖုရားကြီးကိုလည်း ထုံးစံနှင့်အညီ ၁၂ဝ၂ ကဆုန်လဆန်း ၁၂ ရက်နေ့ (၁၂ မေ ၁၈၄ဝ)
ရေတွင် ဖျောက်တော်မူ၏။ (ကုန်းဘောင်ဆက်၊ ဒုတိယတွဲ၊ ၁၉၆၇၊ ၅၉၈။)
ရေတွင်ဖျောက်ဖျက်သည်ဟုဆိုသည်ကို ကြည့်ခြင်းအားဖြင့် မင်းမျိုးနွယ်အဖြစ်
လက်ခံကြောင်းထင်ရှားပါသည်။ နန်းတက်ဘွဲ့အမည်အားဖြင့် သီရိပဝရ မဟာရာဇိန္ဒာ
ရတနာဒေဝီ (ကုန်းဘောင်ဆက်၊ ဒုတိယတွဲ၊ ၁၉၆၇၊ ၂၃ဝ) ဖြစ်ကာ
မိဖုရားကြီးရဲ့သမီးတော်မှာ နောင်မင်းတုန်းမင်းလက်ထက်တွင်
ဆင်ဖြူမရှင်မိဖုရားဟု ထင်ရှားလာမည့် သီရိပဝရတိလာက မဟာရတနာဒေဝီ
(ကုန်းဘောင်ဆက်၊ ဒုတိယတွဲ၊ ၁၉၆၇၊ ၄၈၄) ဖြစ်ပါတယ်။ မင်းတုန်းမင်းက ၂၆ မတ်
၁၈၅၃မှာ အလယ်နန်းတော်မိဖုရား အဖြစ် ဆင်ဖြူမရှင်အား တင်မြှောက်ခဲ့ရာမှ
ကုန်းဘောင်ခေတ်ဇာတ်သိမ်းကို ဖော်ဆောင်သူများအနက် တစ်ဦးဖြစ်သည့်
ဆင်ဖြူမရှင်သည် မိဖုရားအရာသို့ရောက်ခဲ့သည်။ (ကုန်းဘောင်ဆက်၊ တတိယတွဲ၊ ၁၉၆၈၊
၁၅ဝ)။
ကုန်းဘောင်ခေတ် မြန်မာ့ သမိုင်းမှာ ထူးခြားတဲ့ ၊ အဖွားlသမီးlမြေး
မိဖုရားကြီးသုံးဦးပေါ်ထွန်းခဲ့ပါတယ်။
ထူးခြားတယ် ဆိုတာ က သူ တို့ သုံးဦး ဟာ သူစိမ်းတွေ မဟုတ် တာရယ် ၊
သုံးဦးစလုံးမိဖုရားဖြစ်ခွင့်ရှိတာရယ်၊နိုင်ငံရေးကိုသူတို့ရဲ့
ယောင်္ကျား(ဘုရင)်တွေ ကို ကျော်လွန်ပြီး စီမံခွင့်ရ ခဲ့တာတွေရယ်ကြောင့်ပါ။
သူတို့ သုံးဦးက တော့ အားလုံးသိကြ တဲ့ အတိုင်း (၁) နန်းမတော် မယ်နု ၊ (၂) (နန်းမတော်မယ်နု ရဲ့ သမီး ) ဆင်ဖြူမရှင် ၊
(၃) ( ဆင်ဖြူ မရှင် ရဲ့ သမီး ) စုဖုရားလတ် တို့ပါ။ သူတို့ သုံးဦး ဟာ
နိုင်ငံရေး ရှု့ထောင့် က နေကြည့်ရင်သမိုင်းမှာ သိပ်မလှ ပါဘူး။ ဒါပေမယ့်
ဘာသာရေး ရှု့ထောင့်က နေကြည့်ရင် တော့ တော်တော် လေးထူးခြား
နေတာကို
တွေ့ရပြန်ပါတယ် ။နန်းမတော် မယ်နု က အင်းဝ မှာ ဆရာတော်ဦးဗုတ် ကိုမယ်နု
အုတ်ကျောင်းတော်ကြီး ဆိုပြီး လှူဒါန်း ခဲ့ပါတယ်။ ဆင်ဖြူမရှင် ကမန္တလေး မြို့
အရှေ့ပြင်မှာ ၁၅- ၀ါ သာ ရှိသေးတဲ့ ၀ိသုဒ္ဒါရုံဆရာတော် ကို
ဝိသုဒ္ဒရုံကျောင်းတိုက် ကြီးကို
ဆောက်လုပ်လှူဒါန်း ခဲ့ပါတယ်။ စုဖုရားလတ်
က တော့ မန္တလေး မြို့ မှာဘဲ ၂၅-၀ါရှိတဲ့ဆရာတော်ဦးအာလောကကို
မြတောင်ကျောင်းတိုက်ကြီး ဆောက်လုပ်လှူဒါန်း ခဲပါတယ် ။
နန်းမတော် မယ်နု အကြောင်း
တစ်နေ့မှာနေ့ စစ်ကိုင်းနားက အင်းဝမြို့ဟောင်းမှာ မယ်နုအုပ်ကျောင်းလို့
လူသိများတဲ့ မင်းနဲ့မိဖုရားတို့ရဲ့မဟာကောင်းမှုတော်, မဟာအောင်မြေဘုံစံ
အုတ်ကျောင်းတော်ကြီးကို ဆရာတော်ဦးဗုဓ်အလှူခံတော်မူခဲ့တဲ့ နေ့ကပေါ့။
၁၁၉၂-ခုနှစ် တန်ဆောင်မုန်းလမှာ ကျောင်းရေစက်ချပွဲ,
ကျောင်းတင်ပွဲ ပြုလုပ်တော့ မင်းမိဖုရားတို့က မင်းဆရာတော်ဘုရားကို
သြ၀ါစကား မိန့်ကြားဖို့ လျှောက်ထားကြပါသတဲ့။ အဲဒီတော့ ဆရာတော်က
‘‘မင်းနှင့်တူအောင်ကျင့်ရင် ငါတို့ ဆုံးမသြ၀ါဒ ပေးစရာ မလို။
မင်းနှင့်တူအောင် မကျင့်ရင် ငါတို့နဲ့ မဆိုင်၊ အ၀ိစိနဲ့သာဆိုင်တယ်။’’လို့
တိုတိုတုတ်တုတ် မိန့်တော်မူလိုက်ပါတယ်။
အဓိပ္ပာယ် ဖွင့်စရာ မလိုအောင်
ရှင်းလင်းပြတ်သားတဲ့ ဒီသြ၀ါဒကို မင်း, မိဖုရားနဲ့တကွ
အားလုံးကသဘောကျကြပါသတဲ့။ သြ၀ါဒပေးသူကိုရော, သြ၀ါဒခံသူကိုပါ
သာဓုမခေါ်သင့်ဘူးလား။
နောက်ဆုံးသြ၀ါဒနဲ့ဆက်စပ်မှုရှိနေတဲ့အင်းဝရာဇင်ထဲကအဖြစ်အပျက်တစ်ချို့ကို အရင်ဆိုပါရစေ။
၁၁၈၇-ခုနှစ်မှာ နယ်ချဲ့ အင်္ဂလိပ်နယ်တို့ရဲ့ အလိုကျ ချုပ်ဆိုခဲ့ရတဲ့
ရန္တပိုစာချုပ် ချုပ်ဆိုပြီးတဲ့ နောက်စစ်ကိုင်းမင်းဟာ သာသနာရေး,
ကုသိုလ်ရေးဘက် မှာသာ အားစိုက်ခဲ့ပြီး တိုင်းရေးပြည်ရေးမှာအားစိုက်မှု
နည်းလာခဲ့ပါတယ်။ ၁၁၉၆-ခုနှစ်ကစပြီး စစ်ကိုင်းမင်း ကျန်းမာရေး
ချွတ်ယွင်းလာတဲ့အတွက်
အင်းဝရွှေနန်းတော်ရဲ့ နိုင်ငံတော်အုပ်ချုပ်ရေးကို
မိဖုရားခေါင်ကြီး နန်းမတော်မယ်နု, မိဖုရားရဲ့မောင်တော်စလင်းစား ဦးအိုနဲ့
ဘုရင့်ညီတော် အိမ်ရှေ့စံသာယာဝတီမင်းသားတို့ကကိုင်တွယ်ရတဲ့အထိ
ဖြစ်လာခဲ့ပါတယ်ဲ့။အဲဒီတော့ မိဖုရားနဲ့ သူ့မောင်တော်တို့က တစ်ဘက်
အိမ်ရှေ့မင်းနဲ့ မင်းဆွေမင်းမျိုးတို့ကတစ်ဘက်နှစ်ဦးနှစ်ဘက်တို့ဟာ
နိုင်ငံတော်အာဏာကို အပိုင်ရဖို့ အပြိုင်ချကြပါလေတော့တယ်။
ဒီပြိုင်ဆိုင်မှု အပြင် မူလပိုကျတဲ့ နန်းတွင်း မကျေနပ်မှုလည်း ရှိပါသေးတယ်။
နန်းမတော် မယ်နုဆိုတာက ပေါင်းတည်မြို့စားမယ်ပုရဲ့တူမ၊ တောင်သင်းမှူး
သီဟကျော်စွာရဲ့သမီးနန်းမဆန်တဲ့ တောသူဇာတိပါ။ ရွှေဘိုနယ်က ဖလံခုံရွာသူ
မယ်နုဟာ အဒေါ်ဖြစ်သူ မယ်ပုရဲ့ မစမှုကြောင့်
အင်းဝရွှေနန်းတော်ထဲကို အပျိုတော်ကလေးအဖြစ်နဲ့ ၀င်ရောက်လာခဲ့ ပါတယ်။
(အပျိုဖြန်းအရွယ် မယ်နုမြစ်ဆိပ်၌ရေချိုးစဉ် ကမ်းပေါ်တွင်ချန်ရစ်သည့် ထမီကို
စွန်ငှက်ကချီယူပြီးဘုရင့်နန်းတော်မှန်ကင်းတွင်ထားရာမှ
ထင်ရှားလာပြီးနောက်တွင်ဘုရင့်မိဖုရားအဖြစ်ကောက်ယူခံခြင်းဖြစ်သည်ဟု
ဆိုကြပါသည်)
တစ်နေ့တော့ အိမ်ရှေ့စံ စစ်ကိုင်းမင်းသားက တစ်ခြား
အပျိုတော်တွေထက် ထင်ထင်ပေါ်ပေါ်ခန္ဓာကိုယ်အလှ ရုပ်လုံးကြွှနေတဲ့ မယ်နုကို
မျက်စိကျသွားပြီး မိဖုရားငယ်အဖြစ် သိမ်းပိုက်လိုက်ပါသတဲ့။
အဲဒီအချိန်မှာအိမ်ရှေ့မင်းရဲ့မိဖုရားခေါင်ကြီးကတော့ဆင်ဖြူမယ် ဖြစ်ပါတယ်။
စစ်ကိုင်းမင်း ထီးနန်းရပြီးတဲ့နောက် ၁၁၇၄-ခုနှစ်မှာ ဆင်ဖြူမယ်
မိဖုရားကြီးဟာသားတော်စကြာင်္မင်းကိုဖွားမြင်ပြီးကံကုန်ခဲ့ပါတယ်ဘိုး
တော်ဘုရားက သားတော် "မန္တလေး မဟာမြတ်မုနိဘုရားကြီး ပင့်လာသူ
" အိမ်ရှေ့မင်းကြီး ကံကုန်တော်မူ သွားသောအခါ မြေးတော် (ဘကြီးတော်ဘုရား)ကို ဆင်ဖြူရှင်မယ်နှင့်
့် လက်ထပ် ထိမ်းမြား တော် မူပြီး အိမ်ရှေ့ ရာထူး နှင်းအပ်ပါတယ်။ ဆင်ဖြူရှင်မယ် ခေါ် အိမ်ရှေ့မိဖုရားက
ညောင်ရမ်း မင်းသား လေး (စကြာမင်း)ကို ဖွားတော်မူပြီး ရက်ပိုင်းအတွင်းမှာပဲ ကံကုန် အနိစ္စရောက်ရရှာပါတယ်။
ဖွားတော်မူ တဲ့ သား တော်ကလေးဟာလည်း သူ့ကို မွေးဖွားနေစဉ်အခါက အင်မတန်
ထူးခြားတဲ့အတိတ်နိမိတ်ကြီးတွေ ပြတဲ့ အတွက် အလွန် ဘုန်းတန်ခိုးကြီးမယ့်
မင်းသားကလေးရယ်လို့ ယူဆခြင်း ခံခဲ့ရပါတယ်။
အိမ်ရှေ့ မိဖုရား
ဆင်ဖြူရှင်မယ် အနိစ္စရောက်ပြီးတဲ့နောက် အိမ်ရှေ့မင်း (ဘကြီးတော်ဘုရား)ဟာသား
တစ်ယောက် ဖခင်၊ မုဆိုးဖို အဖြစ် ကျန်ရစ်ပြီး သားတော်လေးကို
ချစ်ခင်မြတ်နိုးစွာနှင့်နေရာမှ
ှ ဘိုးတော် ဘုရားဟာ နောက်ထပ် အိမ်ရှေ့မိဖုရားတစ်ပါးကို ရွေးချယ်ပြီး လက်ထပ်ထိမ်းမြားပေးတော်မူပြန်ပါတယ်။
သို့သော်လည်း ဒီမင်းသမီးကလေးဟာ အလွန် ငယ်ရွယ်သူ
၈ နှစ် သမီးမျှသာရှိသေးတဲ့ ပဒေါင်းမင်းသမီး ကလေးဖြစ်ပါတယ်။ အနွယ်တော်ထဲက
အိမ်ရှေ့မိဖုရားဖြစ်ထိုက်သူဟာ ပဒေါင်းမင်းသမီးကလေးတစ်ပါး သာရှိလေတော့
အချိန်အရွယ် မရောက်ခင်
နန်းစဉ်ထုံးစံအတိုင်း လက်ထပ်ခဲ့ရသော်လည်း
ကလေးပဲမို့ သူ့ အဆောင်ထဲမှာ သူ့အထိန်းတော်တွေနှင့်သာစံနေတော်မူပါတယ်။
အရွယ်ရောက်မှသာ လင်မယားအရာ မြောက်ရမှာဖြစ်ပါတယ်။
မယ်နုနဲ့ ဆုံတွေ့ခြင်း
ဒီအတောအတွင်း အိမ်ရှေ့မင်း (ဘကြီးတော်)ဟာ ဒေါ်ဒေါ်နု (မိဖုရားကြီးနု)နှင့် တွေ့မြင် ချစ်ခင် တော်မူလှတဲ့
အတွက် မိဖုရား ပဒေါင်းမင်းသမီးကလေးနှင့်တကွ အခြားသော ကိုယ်လုပ် မောင်းမ တွေကို ကျော်လွှားပြီး
"နုမှတစ်ပါး ဘယ်သူ့မှ မချစ်နိုင်ဘူး"ဆိုတဲ့ ဘ၀ ရောက်ခဲ့ရပါတယ်။
ဘိုးတော်ဘုရားကြီး နတ်ရွာစံလို့ ထီးနန်းရိုက်ရာ ဆက်ခံရာမှာလည်း
လက်ထပ်ထားပြီးဖြစ်တဲ့အိမ်ရှေ့ မိဖုရား ပဒေါင်းမင်းသမီးကလေးကို ပစ်ပယ်ပြီး
နုနုကိုသာပဲ ရွှေလက်ဆွဲ၍ နန်းသိမ်းပွဲခံခဲ့ပါတယ်။
လူမှာ အမျိုး
ကြက်မှာအရိုးဆိုတဲ့ အစဉ်အလာကို ရိုက်ချိုးပြီး၊ လူမှာ
အချစ်ကြက်မှာအမြစ်လို့စကားပုံကိုတဖြစ် ပြောင်းလဲပစ်လိုက်ပါတော့တယ်။
ပဒေါင်းမင်းသမီးကလေးခမျာလည်း မသေရုံတမယ်သာ
နုနု၏ အဖိအနှိပ် ရှိကြသော်လည်း ဘယ်သူမှ စကားကျယ်ကျယ်ပင် မဟ၀ံ့အောင် ရှိနေကြရပါတယ်။
ဒီအသိုင်းအ၀ိုင်း၊ အသိုက်အ၀န်းထဲမှာ မဟုတ်မခံ ပြောဆိုဝံ့သူဟာဖြင့် ညီတော် "
သာယာဝတီမင်း "တစ်ပါးသာရှိပါတယ် ။ဒေါ်ဒေါ်နုကလည်း ဘုရင့်အချစ်ကို ယုံစားပြီး
အများကြီး တန်ခိုးထက်အောင်
သူ့ဘက်သူယက်နိုင်သလောက်ယက်၊ယက်ယူလာလိုက်တာ
နေရာတကာ ဒေါ်ဒေါ်နု မပါရင်ဘာမှ ကိစ္စမပြီးတော့ပါ။ တစ်နန်း တော်လုံးနှင့်
တစ်နိုင်ငံလုံးမှာသူ့သြဇာချည်း ဖုံးလွှမ်းထားလိုက်နိုင်ပါတော့တယ်။
နောက်ဆုံးပိတ် "နု" ဆိုတဲ့ အမည်တောင် မည်သူမှ မသုံးရ။ နု အစား "ထွတ်" ကို သုံးကြရမယ်လို့ အမိန့်ထုတ်ခဲ့တယ်။
(မကျဉ်းရွက်နုနု-အစား မန်ကျဉ်းရွက်ထွဋ်ထွဋ် လို့ ခေါ်ရမယ်အထိဖြစ်ခဲ့ပါတယ်)
ဒီလို တစ်နန်း တော်လုံးကို ခွစီးပြီး ဒါလောက် သြဇာကြီးနေပါလျက်နှင့်ပဲ
ပဒေါင်းမင်းသမီးကလေးရှိနေ သေးတာ မလိုလား နိုင်လို့ ဖျောက်ဖျက်ပစ်ဖို့
ကြိုးစားပြန်ပါတယ်။
တစ်နေ့သောအခါအဆောင်တော်ထဲမှာရှိနေတဲ့ပဒေါင်းမင်းသမီးကလေးကို
အလိုတော်ရိမင်းလုလင်တွေက ၀င်ဖမ်းပြီး ကျွန်းသေတ္တာထဲ ထည့်ပိတ်
ထားခဲ့ပါတယ်။အထိန်းတော်အပျိုတော်တွေကလည်း ပျောက်နေတယ်ထင်လို့ ပျာပျာသလဲ
လိုက် ရှာရာဘယ်မှာမှ မတွေ့ရ ဒုက္ခဖြစ်နေတုန်း၊ နန်းတွင်း
ရုပ်စုံစင်တော်ကြီးမှတစ်ဆင့်ညီတော်သာယာဝတီမင်းနား ပေါက်ကြားသွားလို့
အဆောင်တော်ထဲ အနှံ့အပြား လိုက်ရှာမေးတော့မှကျွန်း သေတ္တာ
ကြီးထဲမှာမွန်းပြီးအသက်မြော့မြော့သာရှိတော့တဲ့ပဒေါင်းမင်းသမီးကလေးကိုတွေ့ရှိ
ကယ်ဆယ် လိုက်ရတယ်လို့ နန်းတွင်း ရေးမှာတစ်ဆင့်စကားများ
အစဉ်အဆက်ကြားသိခဲ့ရတယ်လို့ ဆိုပါတယ်။
အိမ်ရှေ့မင်းဘယ်သူဖြစ်လာမလဲသာယာဝတီမင်းဟာဘကြီးတော်ဘုရင်၏
ညီတော်မင်းသားကြီးဖြစ်ပါတယ်။ ဘကြီးတော်ဘုရားမှလွဲရင်နန်းတော်ပေါ်နှင့်တကွ
နေပြည်တော်မှ သြဇာထက်သော မင်းသားကြီးတစ်ဦးလည်း ဖြစ်ပါတယ်။
စစ်သည်
အင်အား၊ တပည့်တပန်း အင်အား၊ လက်နက်အင်အားကလည်း အလွန်
တောင့်တင်းသူဖြစ်လို့ဒေါ်ဒေါ်နုတို့ မောင်နှမကသူကိုတော့ နိုင့်ထက်စီးနင်း
မပြုရဲ၊ လေးစားရပါသေးတယ်။
ထိုအချိန်က ဘကြီးတော်ဘုရား ထီးနန်းအုပ်ချုပ်
မင်းလုပ်နေသော်လည်း ထုံးတမ်းစဉ်လာအတိုင်းအိမ်ရှေ့ မင်း မရှိသေးပါ။
အိမ်ရှေ့နေရာက လစ်လပ်နေပါတယ်။ အမှန်အတိုင်းဆိုလျှင် သားတော်ညောင်ရမ်းမင်း
(စကြာမင်းကလေး)ဟာအိမ်ရှေ့ဥပရာဇာအဖြစ်အမှန်ကန်ဆုံးဆက်ခံရမည်သူဖြစ်ပါတယ်။
ဒါပေမည့်မိဖုရားကြီး ဒေါ်ဒေါ်နုကသြဇာကြီးနေတော့
ညောင်ရမ်းမင်းသားကလေးကိုအိမ်ရှေ့ပေးဖို့ နှောင့်နှေးနေခဲ့ရပြန်ပါတယ်။
တစ်နည်းအားဖြင့်လည်း ညီတော် သာယာဝတီမင်း၏ဘုန်းလက်ရုံး အင်အားကိုလည်း
ခန့်ညား အား ထားရတဲ့အတွက် ထီးနန်းဆက်ခံဖို့
အိမ်ရှေ့ ဥပရာဇာရာထူးကို
ပေး ထိုက်ပြန်တယ်။ သားတော်နှင့် ညီတော် နှစ်ဦးအတွက်
ဘယ်ဘက်ကိုအလေးပေးရမည်ဟု အတည်တကျ မဆုံးဖြတ်ရခြင်းလည်း ဖြစ်နိုင်ပါသေးတယ်။
သို့ရှိနေရာမှာ ဒေါ်ဒေါ်နု သြဇာက ဥပရာဇာ ရွေးခန်းကို လက်တန်းပြီး ကာထားသလို ရှိခြင်းကပဲအလေးကျောနေခြင်းဖြစ်ပါတယ်။
အခြေအနေအရ သြဇာကြီးလှသော မိဖုရားကြီး၏မောင်၊
စလင်းမင်းသားကြီးဦးအိုကလည်းတန်ခိုးအာဏာကြီးနေသူတစ်ယောက် ဖြစ်ပါတယ်။
တိုင်းပြည်နိုင်ငံ အုပ်ချုပ်ရေး တရားစီရင်ရေးစသော ဌာနကြီးတွေမှာ
လွှတ်တော်ဝန်ကြီးများနှင့်အတူ မင်းသားကြီး ဦးအိုဟာ စီမံကွပ်ကဲနေရသူ၊အရေးပါ
အရာ ရောက်သော အချုပ်အခြာ ဌာနကြီးတွင် ကြိုးကိုင်အုပ်ချုပ်နေရသူ
ဖြစ်လေတော့အာဏာဟာ ဦးအိုရဲ့ လက်ထဲမှာပဲ ရှိနေပါတယ်။ မိဖုရားကြီးကလည်း
အိမ်ရှေ့ရာထူးပေးခြင်းပေးလျှင်
သူ့မောင် ဦးအို ကိုသာ ပေးစေချင်တယ်။
ပေးဖို့ မပေးဖို့ဆိုတဲ့ အဆုံးအဖြတ်ကို
ပြတ်ပြတ်သားသားဆုံးဖြတ်ချက်ချနိုင်သူကဘကြီး တော်ဘုရားကိုလည်း
မိဖုရားကြီးနုက သူ့အိတ်ထဲ ထည့်ထားနိုင်လေတော့
သားတော်နှင့်ညီတော်သာယာဝတီမင်းတို့မှာ အေးအေးဆေးဆေးနှင့်တော့
အိမ်ရှေ့မင်းအဖြစ်ကိုရရှိနိုင်မှာ မဟုတ်ဘူးဆိုတာ နား လည်ထားကြပြီး
ကိုယ့်သတ္တိ၊ကိုယ့်အင်အားကို အသင့် မွေးထားကြရမှာပဲဖြစ်ပါတယ်။
တိုင်းသူပြည်သားတွေ အနေနဲ့ကတော့ သားတော် ညောင်ရမ်းမင်း
(စကြာမင်းကလေး)ကိုသာချစ်ခင် မေတ္တာထားကြရင်း ရှိတဲ့အတိုင်း အိမ်ရှေ့အဖြစ်
လိုလားကြပါတယ်။ သို့သော် ဒီကိစ္စမှာ ဘယ်သူမှ
ပွင့်ပွင့် လင်းလင်း ဆန္ဒပေးရဲကြမည် မဟုတ်ပါ။ သို့ကြောင့် သားတော် ညောင်ရမ်းမင်းကလေးရဲ့အင်အားဟာ ပြည်သူ့ မေတ္တာပဲ အားကိုးစရာရှိပါတယ်။
ညီတော် သာယာဝတီမင်းရဲ့ အင်အားကတော့ လက်နက်အင်အား၊ လူအင်အားနှင့် သတ္တိစွမ်းပကားပဲဖြစ် ပါတယ်။
ယောက်ဖတော် ဦးအိုရဲ့ အင်အားကတော့ လွှတ်တော်ကြီး တစ်ခုလုံးကို
ဖုံးလွှမ်းကြိုးကိုင်ထားနိုင်သောအာဏာအင်အားနှင့် သြဇာကြီးလှသော မိဖုရားကြီး၏
တန်ခိုးအရှိန်များ ဖြစ်နေပါတယ်။
ဘယ်သူ မကြိုက် ကြိုက်ကြိုက်
အိမ်ရှေ့မင်း ရာထူးကတော့ ဦးအိုဆီ
ဆိုက်ဆိုက်မြိုက်မြိုက်ရောက်လာရတော့မှာပဲလို့ထိုခေတ်ကမျက်စိကြီးနားကြီး
ရပ်ကွက်ကအမြဲတွက်ထားပြီးသား ဖြစ်နေကြပါတယ်။
ဝါဒဖြန့်ကြခြင်း
သို့သော်ဦးအိုတို့က ပေါ့ပေါ့ဆဆ နေနေလို့မရပါ။ ညောင်ရမ်းမင်းသားကလေး
ကိုအရေးမမှု လောက် သော်လည်း သာယာဝတီ မင်းသား၏ အင်အားကြီးမားမှုကို
လျစ်လျူရှုနေ၍မဖြစ်ပါ။
သူပြုတ်ကိုယ်ပြုတ်မချလျှင်မဖြစ်ကြတော့သောအခြေအနေက ပေးလာခဲ့ပါတယ်။
အာဏာလက်ကိုင်ရ နေသောအပိုင်းကနေချရလျှင်တရားဥပဒေဘောင်ဝင်ပြီး
အပေါ်စီးရနေသူများအဖြစ်နှင့် အလစ်ကို ချောင်း နေနိုင်ပါတယ်။ တစ်ယောက်
မကောင်းကြောင်း တစ်ယောက် ၀ါဒဖြန့်ကြရသော အလုပ်ကလည်း ထိုခေတ် ဆီမှစ၍
ပေါ်လာဟန် တူပါတယ်။
ဦးအိုနှင့်မိဖုရားကြီးနုတို့ဘက်ကသာယာဝတီမင်းအားလူဆိုးသူဆိုး
မွေးတယ်၊တိုင်းပြည်အတွင်း တိုက် ခိုက်လုယက်သော ကိစ္စမှန်သမျှ သူတို့
ကြိုးကိုင်တယ်ဟုပါးစပ် သတင်းလွှင့်ပါတယ်။ သာယာဝတီမင်းက ဒီသတင်းကြားတဲ့အခါ
ဦးအိုနှင့် မိဖုရားကြီးနုတို့အပေါ်မှာသာ၍
ဆိုးရွားလှသောဝါဒဖြန့်သတင်းဆိုးတွေတစ်မျိုးပြီးတစ်မျိုးတုံ့ပြန်လိုက်ကြပါတော့တယ်။
ထိုခေတ်က ၀ါဒဖြန့်သော အလေ့အထကို သာယာဝတီမင်းသားကြီးနှင့် မိဖုရားကြီးနုတို့ကစတင် တီထွင် လိုက်သည်ဟု ဆိုရပါမည်။
သာယာဝတီမင်းကိုလူဆိုးမွေး၍ခိုးဝှက်တိုက်ခိုက်နေသူဟုသတင်းဖြန့်လိုက်သလို
သာယာဝတီမင်းဘက်ကလည်း မိဖုရားကြီးနုနှင့် ဦးအိုတို့ တိတ်တိတ်ပုန်းရနေသည်၊
မောင်နှမအစစ်မဟုတ်၊ လင်ငယ် ဟု ဆိုသည်။
ဘကြီးတော်ကို ယုတ်ညံ့သော
အောက်လမ်း ဆေးနှင့် ခတ်ကျွေးပြီး နန်းတော်ကြီးကိုအပိုင် စီးထားလိုက်
သည်ဟုဆိုသည်။ ငါးစိမ်းသည်မကြီး၊ စုန်းမကြီးဟုလည်းဆိုသည်။
" ပြည်ကြာရင် ဆုံးပါလိမ့် စုန်းမကြီးလင်၊ ပဒေါင်းတောင်ညာတင်မှ၊ ဖျညီခင် တပ်တော်လှဲ့လို့ရယ်၊ ပြန်ခဲ့ မယ်လေး "
ဤသီချင်းသည် ထိုခေတ်နောက်ပိုင်း နန်းတွင်း ရုပ်စုံစင်တော်မှ သီဆိုသော သီချင်းဖြစ်သည်။
သာယာဝတီ မင်း ပုန်ကန်ရင် ထွက်ခွာသွားသောအခါက ဆိုကြသည်။
ညီတော်က စုန်းမကြီးကိုဖယ်ရှားပြီးပဒေါင်းမင်းသမီးကို တောင်ညာတင်ပါမှ သူ
ပြန်လာတော့မည်ဟုအစ်ကိုဖြစ်သူဘကြီးတော်ဘုရင်အား လျှောက်တင် ဟန်ဖြစ်ပါသည်။
အင်းဝမြို့ ကုန်းဘောင်ခေတ်က ယခုကဲ့သို့ သတင်းစာများ မပေါ်သေး၍
ဝါဒဖြန့်ရာ၌ကလောင်သမား မွေးပြီး ရေးသားစေခြင်းမျိုးများ မပြုနိုင်စေကာမူ
ဇာတ်၊ ရုပ်သေးစသောအနုပညာ ဇာတ်သဘင်ပိုင်းမှနေပြီးတစ်နည်းမဟုတ်
တစ်နည်းဘုရင့်နား ပေါက်ကြားအောင်
ပြုလုပ်ဖန်တီးနိုင်ခဲ့ပါသည်။တစ်ခုတော့ရှိ၏။ ရှေးက ၀ါဒဖြန့်မှုများသည်ဗြောင်
မဟုတ်တမ်း တရားများ
မဖြစ်စေဘဲမူလအခြေခံ ဟုတ်မှန်ရာ အချက်ကလေးများကို မူတည်ပြီးမှ သတင်းလွှင့်တတ်ကြပါသည်။
သာယာဝတီမင်းသားသည် သတ္တိ သွေးရဲရဲတောက်သူ မင်းမှု့ထမ်း တပည့်တပန်းများ
တိုးပွားရန်နှင့်လက်နက်ဓားလှံ စုဆောင်းခြင်း သည် သူ၏ အဓိကအလုပ်ဖြစ်သည်။
မိဖုရားကြီးနုသည် မောင်တော်ဘုရင်ကသူ့အား မြတ်နိုးချစ်ခင်အောင်
ဖြစ်သည့်နည်းနှင့်ကြိုးပမ်းမည်မှာ လည်း အမှန်ပင်။ ဘုရင်က ချစ်ခင်မှ သူ့ကို
အလိုလိုက်မည်။
သူကြိုက်နှစ်သက်ရာစီမံခြယ်လှယ်နိုင်မည်။သို့ကြောင့်ဘကြီးတော်ဘုရားအား
မီးသေအောင်ပြုထားခြင်းဖြင့် အခွင့်အရေးမှန်သမျှ သူကချည်း အကုန်
ရနေသူဖြစ်သည်။ ငါးစိမ်းသည်မကြီး။
စုန်းမကြီးဟု သတင်းကြီးသော်လည်း စင်စစ် ငါးစိမ်းသည် မဟုတ်ပါ။
မင်းမှုထမ်းမျိုးရိုးမှ ဆင်းသက်လာသူဖြစ်ပါသည်။ စုန်းမကြီးဆိုခြင်းကတော့
နုကိုအိမ်ရှေ့မင်းသားအဖြစ်ကကောက်ယူထားသော်လည်း တစ်စတစ်စ နု၏ အစွမ်းအစတွေက
အားလုံးပေါ် ကျော်လွှားပြီး
ထိပ်စည်းသို့ ရောက်ခဲ့ရခြင်းကြောင့်
အစွမ်းထက်မြက်သော အင်းအိုင်၊ မန္တရား၊ ဆေးဝါးပယောဂများအသုံးပြုခဲ့သူ
အောက်လမ်း ဆေးဝါးပညာသည် တစ်ဦးဟု ယိုးစွဲခြင်းဖြစ်ပါသည်။
အမှု့ဆင်ခြင်း(သူတို့ခေတ်မှာတည်းကရှိနေပြီ) နောက်ဆုံး၌ (ဘကြီးတော်)
ဘုရင်သည် မိဖုရားကြီးနု ကြိုးဆွဲသလို က နေရသော ရုပ်သေးရုပ်သာ ဖြစ်နေ
ရရှာသည်။
ဘယ်နည်းနှင့် နိုင်ထားသည်တော့မသိ၊ နိုင်နေတာကတော့တိုင်းသိပြည်သိပါပေ။
ယင်းအခြေအနေတွေကိုသာယာဝတီမင်းကခံပြင်းလှသော်လည်း
နောင်တော်ဘုရင်မှာ"တို့ဘုရားလည်း မယားဘက်ခပ်ပါပါ"ဆိုသော ကိန်းမျိုး
ဆိုက်နေသဖြင့် မကြိုက်သမျှကိုအံခဲ၍သာ နေရလေသည်။
ဦးအိုတို့
မောင်နှမကလည်း အင်အားတောင့်သည်ထက် တောင့်လာသော သာယာဝတီမင်းကို
ကြာကြာကြည့်မနေနိုင်ကြတော့ဘဲ မကြာခင် အမှုဆင်၍ စတင် တိုက်ခိုက်ကြတော့သည်။
အမှုကတော့ မဆန်းပါ၊ ဓားပြမှုတစ်ခုမှ ဆက်နွယ်ပြီး အမှုရှာဖွင့်သည်။
မီးခိုးကြွက်လျှောက် အပေါက်ရှာပြီး လွှတ်တော်က အရေးယူရလေသည်။
သာယာဝတီမင်းပုဂံမင်းသမီးတို့လည်းအမှုထဲကအရေးပါအရာ ရောက်သူတွေဖြစ်နေသည်။
လွှတ်တော်ကြီးကဦးစီးခေါင်းဆောင်ဝန်ကြီးတစ်သိုက်မှာလည်း နန်းမတော်ကြီး
နု၏မောင်၊ စလင်းမင်းသားကြီး ဦးအို၏ အာဏာစက် အရိပ်တွင်
ကြိတ်မှိတ်ကျိုးနွံနေကြသူများဖြစ်သည်။ ဘကြီးတော်ဘုရင်မင်းမှာလည်း မမာမကျန်း
ဖြစ်သော်မူသည်ဆို၍
တိုင်းရေးပြည်ရေးဘာမှ
ပြန်မကြည့်တော့ဘဲမိဖုရားကြီးနု နှင့် ယောက်ဖတော် ဦးအိုတို့သာအကဲရောက်
ဘုန်းတောက်နေကြသည်။ လွှတ်တော် ၀န်ကြီး တွေ အပေါ်မှာလည်း ဦးအို ပဲ သြဇာ
လွှမ်းနေသူဖြစ်ပါသည်။
သာယာဝတီမင်းကြီးကလည်း သတ္တိဗျတ္တိရှိပြီး ရာဇ၀တ်၊
ဓမ္မ၀တ်၊ လောက၀တ်များတွင်သူမတူအောင်ကျွမ်းကျင်လိမ္မာတော်မူသူဖြစ်၍
အထောက်အထားများနှင့် နား မျက်စိ ဖွင့်ထားသူ ဖြစ်သောကြောင့်
မိမိအား
ပြစ်မှုကြီးစွာရောက်အောင်ကြံစည်ကြိုးစားနေသူများမှာစလင်းမင်းသားကြီး
ဦးအို၊မြ၀တီဝန်ကြီး ဦးစ၊ ကင်းဝန်ဦးကြွယ်ဝ၊ ကျီအတွင်းဝန် ဦးပါရောက်၊
မြို့လက်ဝန်မောင်ရေး၊၀န်ထောက် မောင်ကံရေး၊ ဗိုလ်ကွန်း၊မောင်ကံပေါ်၊
မောင်ဘူး၊ မောင်နှင်း၊ တဒလဗိုလ်တို့ ဖြစ်ကြောင်း
ကြိုတင်သိမြင်တော်မူလေသည်။
သာယာဝတီမင်းသား နန်းမတော်မယ်နုတို့ကို ပုန်ကန်တိုက်ခိုက်ပြီ
ထို့ကြောင့် စလင်းမင်းသားကြီး ဦးအိုတို့ အကြံအောင်တော့မလို ရှိနေစဉ်
သာယာဝတီမင်းသားသည်နေပြည်တော်အင်းဝမှထွက်ခွာ၍ ရွှေဘိုမြို့ကနေပြီး
ခုခံတိုက်ခိုက်ခြင်း ပြုလေတော့သည်။
နောက်ဆုံးသာယာဝတီမင်းကအင်အားသာသောကြောင့်ဘကြီးတော်ဘုရားနန်းမှဆင်း၍သာယာဝတီမင်းအားထီးနန်းလွှဲအပ်လိုက်ရပါသည်။သာယာဝတီမင်း
ရွှေဘိုမြို့မှနေပြီး အောင်မြင်သောကြောင့်
့် (ရွှေဘိုမင်း)ဟု
ခေါ်ပြန်သည်။ သာယာဝတီ ရွှေဘိုမင်းသည် နန်းတော်သိမ်းပြီးရာ၌ ငါတို့ ညီတော်
နောင်တော်အချင်းချင်း အမျက်မရှိပါ။ တစ်မိဝမ်းတွင်း ညီအစ်ကိုရင်းဖြစ်ပြီး
နောင်တော်ကြီးသည် ငါ့အား သားတော်ကဲ့သို့ချစ်မြတ်နိုး တော်မူသည်။
ငါကလည်းခမည်းတော်ကဲ့သို့ပင် ချစ်ခင်ရိုသေခဲ့သည်။
သို့ပေမဲ့ နန်းမတော်မယ်နု၊စလင်းစား မောင်အိုတို့သည်ငါတို့ညီတော် နောင်တော် အကြားတွင်မတရားလီဆယ် လုပ်ကြံခြင်း ဖြစ်သည်။
ဝန်ကြီးငစနှင့် အပေါင်းပါ မှူးမတ်များသည်လည်း ငါတို့ ကျေးဇူးသစ္စာကို
စောင့်ထိန်းသင့်လျက်သစ္စာဖျက်၍ရန်သူအားပေးပြုကြသူများဖြစ်သည်။ သို့ကြောင့်
ယင်းတို့တစ်စုကို ငါ သတ်ထိုက်သည်။
သို့သော် ငါသည် ဘုရားဆုကို ပန်သောကြောင့် သည်းခံတော်မူမည်။ သင်တို့အား ထောင်တွင်း၌
အကျဉ်းချ ထားရုံသာ ချထား စေလို့ မိန့်တော်မူပါသည်။
ထိုသို့ အကျဉ်းချထားခြင်း ခံရသူများမှာ မိဖုရားကြီးနု၊ မောင်စလင်းမင်းသား မောင်အို၊ မြ၀တီဝန်ကြီး ငစ၊
ကင်းဝန် ငကြွယ်ဝ၊ ကျီအတွင်းဝန် ငပါရောက်၊ မြို့လတ်ဝန် ငရေး၊ ၀န်ထောက်
ငကံရေး၊ ဗိုလ်ငကွန်း၊ငကံပေါ်၊ ငဘူး၊ ငနှင်း၊ တဒလဗိုလ်တို့ကို
ထောင်တွင်သာချထားသည်။
မြ၀တီမင်းကြီး ဦးစမှာ ဓားခုတ်ရာ လက် မလျှိုလို့ မရသော အခြေတွင် ရှိပါလေသည်။
လွှတ်တော်ဝန်ကြီး အဖွဲ့ဝင် ဖြစ်ရာ သာယာဝတီမင်း၏ အမှုကိစ္စ၌ လွှတ်တော်အမိန့်စာတွင်
သာယာဝတီစား (ငခင်ငယ်) ဟုရေး သားခြင်းကြောင့်လည်း တစ်နည်းအားဖြင့် ပို၍ အခဲမကြေ ဖြစ်ရလေသည်။
ရွှေလွှတ်တော်၏ ထုံးတမ်း စဉ်လာ မှာလည်း ရာဇ၀တ်မှု ရောက်သူတို့အား (င)နှင့်
(ငယ်)ကိုတပ်၍ သုံးနှုန်းရမြဲဖြစ်ပါသည်။ ဘကြီးတော်ဘုရားနှင့်
ညီတော်သာယာဝတီမင်းသားတို့မှာဇာတာငယ်မည်၌ မောင်ဇင်နှင့် မောင်ခင် ဟူ၍
ရှိပါသည်။ သာယာဝတီမင်းသားအား လွှတ်တော်က
ချသော အမိန့်စာ၌ "သာယာဝတီစားငခင်ငယ်" ဟု ရေးသဖြင့် သာယာဝတီမင်းကတေးထားခြင်းလည်း တစ်ရပ်ပါလေသည်။
စပ်မိလို့ ဆက်ရေးရဦးမည်။ ရတနာပုံသီပေါမင်း ခေတ်မှာလည်း တောင်သမန်လယ်စား
ဦးဖေငယ်၏ အမည်ကိစ္စဖြစ်သည်။ အချို့က ဦးဖေငယ်မှာ ရာဇ၀တ်သင့်တော့မှ (ငယ်) တပ်သည်။
ယခင်ကဦးဖေသာ ဖြစ်သည်ဟု ပြောကြသည်။ထိုသို့အထင်နှင့် ပြောခြင်းသည် အခြားငယ်
ကိစ္စများတွင်ဟုတ်ချင် ဟုတ်ပါ မည်။ ဦးဖေငယ်၏ ငယ် ကိစ္စကတော့ ရာဇ၀တ်
မရောက်မီ "ငယ်"က အရင်ရှိနှင့်ပါသည်။
ဘာကြောင့်ဆိုတော့ထိုအချိန်က(မောင်ဖေ)နှစ်ယောက် ဖြစ်နေပါသည်။
နှစ်ယောက်လုံးလည်း စာရေးစာဆိုသူချည်း ဖြစ်သည်။ တစ်ယောက်က အချုပ်တန်း
ဆရာဖေ၊တစ်ယောက်က လယ်စား ဆရာဖေ ... မောင်ဖေ ... မောင်ဖေ နှစ်ယောက်တွင်
တောင်သမန်ကအသက်အနည်းငယ်ငယ်၍ ကိုဖေငယ်၊ မောင်ဖေငယ်ဟူ၍ ခွဲ ခေါ်ခဲ့ကြပါသည်။
ရာဇ၀တ်ရောက်သောအခါမူလရှိပြီး ငယ်နှင့် ပေါင်းခေါ်ရမည်ဆိုလျှင် (ငဖေငယ်၊
ငယ်)သာဖြစ်ရပါမည်။ သို့သော် ငယ်တစ်လုံး အခံရှိပြီးမို့
ရာဇ၀တ်သား
ငဖေငယ်နှင့်ပဲ ကိစ္စပြီးရပါသည်။ တောင်သမန်လယ်စား ဦးဖေငယ်၊
မောင်ဖေငယ်ဆိုသည်မှာရာဇ၀တ်မှုမဖြစ်ခင်ကတည်းက ခေါ်လာခဲ့ သော နာမည်ဖြစ်ပါသည်။
သာယာဝတီမင်းခေါ် ရွှေဘိုမင်းသည် ဦးအိုနှင့် မြ၀တီမင်းကြီးစသော အပေါင်းအပါများကိုထောင်တွင်သာချထားပါသည်။သုတ်သင်သတ်ဖြတ်ခြင်းမပြုပါ။
နောင်တော်ဘကြီးတော်ဘုရင်အားလည်း ကောင်းစွာ ပြုစု စောင့်ရှောက်ထားပါသည်။
ငခင်ငယ် ဆိုသော အမည်ကိစ္စကိုတော့ နည်းနည်းမှ ကျေနပ်ပုံမရပါ။
သာယာဝတီမင်းက "၀န်ကြီး ငစ သည် ငါ ထွက်ခွာလာသည့်နောက် လွှတ်တော်က
ထုတ်ပြန်သောအမိန့်တွင် ထုံးစံဥပဒေရှိသည့်အတိုင်း (သာယာဝတီစားငယ်)ဟု
မရေးသားဘဲ ငါ့နာမည်ကို ထုတ်ဖော်၍
(ငခင်ငယ်)ဟု ရင့်ရင့်သီးသီး စော်ကား ရေးသားသူဖြစ်သည်။ သင်း သေသင့်ပြီ၊ သို့သော် သင်းကို ယခု မသတ်သေး။
ငါ့ဘုန်းသမ္ဘာတော်ကို ကြည့်စေဦးမည်၊ ထောင်မှာထား" ဟု မိန့်တော်မူကြောင်းကို ဒုတိယ မဟာရာဇ၀င်တော်ကြီး၌
အတိအလင်းရေးသားပါရှိခဲ့ပါသည်။
ဤသို့ သာယာဝတီမင်းက အကြောင်းကြောင်းကို ငဲ့ညှာထောက်ထား၍
အသက်ဆုံးရှုံးစေစီရင်သင့်လျက်မစီရင်ဘဲ ထောင်တွင်သာထားပါစေလျက်၊ မင်းသားကြီး
မောင်အိုတို့ အပေါင်းအပါ လူတစ်စုသည်လက်မလျှော့ကြပါ။ ဘကြီးတော်ဘုရားကို
နန်းပြန်တင်မည်ဟု အကြံပြုကြပြန်သည်။
သို့ကြောင့် ထောင် တွင်းမှာပင်
အစီအစဉ်ပြုကြပြီး ၁၂၀၁ ခုနှစ်၊ တပေါင်းလတွင် စလင်းမင်းသား
ဦးအို၏လူများဖြစ်သော ရွှေ ထားမင်းသား အခေါ်ခံ င၀င်းငယ်၊ ဗိုလ်ငခန်းကျော်၊
ဗိုလ်ရွှေမောင်တို့က ခေါင်းဆောင်၍
လူတစ်ထောင့် ငါးရာနှင့် မတ္တရာကျော်စဉ်ကစ၍ သူပုန်ထစေလေသည်။
သို့သော် ထိုအကြံအစည်လည်း အထ မမြောက်ရုံသာမက အမရပူရမြို့
အကျဉ်းထောင်တွင် ချုပ်ထားသောစလင်းမင်းသားကြီး မောင်အို၊ မယား၊ သမီး၊
အတွင်းဝန် ငပါရောက်၊ မြို့လယ်ဝန် ငရေး၊ သံတော်ဆင့် ငရွှေ သာ၊
ပခန်း
ငရံမင်း၊စာရေးကြီးငပျို၊ တောင်ငူဝန်ငကူး၊အဆောင်မြဲငထွန်းညိုတို့ကို သက္ကရာဇ်
၁၂၀၂ ခုနှစ်၊ကဆုန်လဆန်း ၁၂ ရက်နေ့တွင် အပြစ်နှင့်အညီ
ကွပ်မျက်လိုက်ခြင်းခံရပါသည်။
သာယာဝတီမင်းက မိမိအား "ငခင်ငယ်"ဟု သုံးနှုန်းရေးသားသော ကိစ္စနှင့်စိတ်ထဲမှာ မကျေမချမ်း ဖြစ်ခြင်း
ခံနေရသော မြ၀တိဝန်ကြီး ဦးစမှာ စလင်းမင်းသားကြီး မောင်အိုတို့လူစု
တန်ပြန်ပုန်ကန် သောင်းကျန်းမှုပြု သဖြင့် ကွပ်မျက်သုတ်သင်ရာတွင်
တစ်ခါတည်းပါးသွားရန် ရှိသော်လည်း ထိုအခါက မြ၀တီဝန်ကြီး ဦးစ သည်
စလင်းမောင်အိုတို့နှင့်အတူ အမရပူရမြို့က ထောင်တွင်း၌ မရှိ၍ ကံကောင်းထောက်မပြီး ကျန်ရစ်ခဲ့ရပါသည်
နန်းမတော်မယ်နုအကြောင်းဆက်ရလျှင်
့ ဘကြီးတော်(စစ်ကိုင်းမင်း)က သားတော်လေးကို ညောင်ရမ်းမြို့ အပိုင်စားစေပြီး နန်းသွေးမပါတဲ့
မယ်နုကိုတော့ မိဖုရားခေါင်ကြီးအဖြစ် တင်မြှောက်လိုက်ပါတယ်။
နန်းသွေးမပါတဲ့သူ မိဖုရားခေါင် ဖြစ်လာတာကို နန်းဆွေနန်းမျိုးတွေက မကျေနပ်ကြပါဘူး။
ဒါပေမယ့် မကျေနပ်မှုရဲ့ ဦးစီးခေါင်းဆောင်များ ဖြစ်ကြတဲ့ ဆင်ဖြူမယ်ရဲ့
ခမည်းတော် ပြည်မြို့စားနဲ့ဘထွေးတော် တောင်ငူစားတို့ကို ဖမ်းဆီးချုပ်နှောင်၊
နောက်ပြီး တောင်ငူစားကို အဆုံးစီရင်လိုက်တော
့ မိဖုရားနဲ့ ပတ်သက်တဲ့ နန်းတွင်းမကျေနပ်မှုလည်း ငြိမ်ဝပ်ပိပြား သွားခဲ့ပါတယ်။
နန်းမတော် မယ်နု မိဖုရားဖြစ်ချိန် တစ်လျှောက်လုံး နီးပါ ဟာ နိုင်ငံရေး လုံးဝ မငြိမ်သက်ခဲ့ ပါဘူး။
နန်းမတော် မယ်နု မိဖုရားဘ၀ မှာဘဲ (၁၁၈၅- ၈၆ ) ခုနှစ်မှာ အင်္ဂလိပ် - မြန်မာ စစ်ဖြစ်ကြပါတယ်။
မြ၀တီ မင်းကြီး ဦးစ နဲ့ မဟာ ဗန္ဓုလ တို့ ရခိုင်ပြည် ဘက် စစ်ထွက် တိုက်ခဲ့
ကြရပါတယ် ။အင်္ဂလိပ် က ရန်ကုန် ဘက်ပြန်လှည့် ၀င်လာတာကြောင့်
ရန်ကုန်ပြန်ဆင်းပြီး ခုခံရသလိုဓနုဖြူတိုက်ပွဲမှာတော့ မဟာဗန္ဓုလ
ကျရှုံးခဲ့ရပါတယ်။ ဒီထက် ဆုံးရှုံးတာကတော့ အင်္ဂလိပ် ကို
ရခိုင်နဲ့
တနင်္သာရီကို ပေးလိုက်ရတာပါဘဲ။ဒါတင်မကပါဘူး စစ်လျှော်ကြေး ငွေ တစ်ကုဋေ ကို
လည်းအစိုးရက မပေးနိုင်လို့ နန်းမတော် မယ်နု က စိုက်ပေးခဲ့ရတာပါ။
စစ်သူကြီးကျ၊စစ်လျော်ကြေးငွေ(၁)ကုဋေပါပေးရမည်ဖြစ်သဖြင့် ဘကြီးတော်မှာ
မထွေးနိုင် မအံနိုင် စိတ်ဓာတ် ကျလာကာ စိတ်ကျရောဂါပါ ဝင်လာချိန်တွင်
ငွေမရှိသဖြင့်မယ်နုကသူပိုင်ပစ္စည်းများထုခွဲ၍စစ်လျော်ကြေးငွေ ပထအရစ်ကို
ပေးလေသည်။ဘကြီးတော်သည်အုပ်ချုပ်ရေးပိုင်းကို
မကိုင်တွယ်နိုင်တော့ပဲအစစအရာရာကိုမယ်နုနှင့်စလင်းမင်းသားကြီးမောင်အိုတို့ဖြင့်သာလွှဲအပ်ထားချိန်တွင်သူတို့မောင်နှမကိုသာယာဝတီအပြင်
ပြည်သူများ က စုန်းမဟု စွပ်စွဲသလို သူတို့ကလည်း သူခိုးဓားပြ လက်ခံ ဟု
သာယာဝတီကို စွပ်စွဲသည်။
မောင်အိုသည်ဆူးငြှောင့် ခလုတ်ဖြစ်သော
သာယာဝတီမင်းကို ရှင်းရန် ဓားပြမှုဖြင့် အမှုဆင်ကာ သာယာဝတီမင်း ၏ အိမ် ကို လူ
(၂၀၀) ဖြင့် ဝိုင်းလေရာသာယာဝတီဘက်မှလူများခုခံရင်းဧရာဝတီမြစ်ကိုကူး၍
ရွှေဘိုသို့ ထွက်ပြေး ရှောင်တိမ်း သည်။ မယ်နု တို့ကိုပြည်သူများ
မနှစ်သက်သဖြင့် အာဏာသည် သာယာဝတီ ဘက်သို့ အလိုလိုရောက် သွားသည်။
လူသူ
စုဆောင်းကာ၁၈၃၇ ဖေဖော်ဝါရီ လတွင် အင်းဝကို ဝိုင်းသည်။ ၂ လ အကြာတွင်
အောင်မြင်ပြီး ဘကြီးတော် စစ်ကိုင်းမင်း ကို နန်းချကာ မယ်နုကို အကျယ်ချုပ်
မောင်အိုတို့လူစုကို ထောင်ထဲ ပို့လေသည်။ အရာရာသည်နေ့ချင်းညချင်း
ပြောင်းလဲသွားသည်။ မယ်နုတို့ အုပ်စုသည် ပုန်ကန်သည့် အနေဖြင့်
အင်္ဂလိပ်တို့ကို စာလွှတ် ဆက်သွယ်၍ အင်္ဂလိပ်တို့ အလိုရှိသမျှ အကုန်ပေးကာ
ဘကြီးတော်အား ပြန်လည် နန်း တင်ပေးရန် အကူညီတောင်းသော်လည်း အင်္ဂလိပ်တို့က
နန်းကျ ဘုရင်အား ဘာအကြောင်းမှ မပြန်တော့ချေ။
သာယာဝတီမင်းသဘောထားကြီးစွာဖြင့် ကောင်းမွန်စွာထားသော်လည်း မောင်အို တို့
နောက်လိုက်များက ပုန်ကန်ကြသောကြောင့် အမရပူရမြို့
အကျဉ်းထောင်၌သက္ကရာဇ်၁၈၄၀ခုနှစ်၊ မေလတွင်ကွပ်မျက်လိုက်သည်။
နောက်ဆုံးသာယာဝတီမင်းသည်၁၈၄၀ခုမေလ၁၂ရက်တွင်မယ်နုအား
သေဒဏ်ချမည်ကိုမင်းမျိုးမင်းနွယ်အဖြစ်အသိအမှတ်ပြုပေးသည့်အနေဖြင့်မဟာဆီ
မဟာသွေး မြေမကျရစေရန် ရေတွင်ဖျောက် ဖျက် ဖို့ အမိန့်ချသည်။
ဘုန်းရှင်
ကံရှင် မယ်နု တစ်ယောက် ကံတရား၏ မျက်နှာသာပေးခြင်းကား ဤနေ့သည်နောက်ဆုံးနေ့
ဖြစ်လေတော့သည်။ မယ်နု လည်း နောက်ဆုံး
အနေဖြင့်မိမိကိုးကွယ်သည့်ဆရာတော်ဦးဗုဓ်အားဖူးမြှော်ခွင့်ပြုရန်
မြို့ဝန်အားခွင့်တောင်းရာခွင့်ပြုသောကြောင့်
ညောင်ကန်ကျောင်း(ယခုမဟာမုနိဘုရားကြီး အရှေ့ ဘက်) သို့
ရောက်အောင်ပို့ဆောင်ပေးခဲ့သည် ။ မယ်နု ကျောင်းသို့ရောက်သော အခါ ဆရာတော် မှာ
စာ ကြည့်နေသည်။ မယ်နုမှဆရာတော်အား
နောက်ဆုံးဖူးမြှော်အောင်လာရခြင်းဖြစ်ကြောင်း လျှောက်ထားရာ ဆရာတော်ဦးဗုဒ် မှ
ရာဇဝင် တွင်မည့် တရားကို တိုတို တုတ်တုတ် မိန့်တော်မူသည်။
“မိနု၊
သူ့ကြွေးရှိရင် ဆပ်ရလိမ့်မည်” ဟု မိန့်ဆိုလိုက်သည်။ မယ်နု လည်း ဦးချပြီး
ပြန်ဆင်းလာရာလှေကားအရောက်တွင် “တော်ပြီ၊ ငါသေဝံ့ပြီ၊ ငါသေရဲပြီ၊
ငါသေပျော်ပြီ၊ ဆရာတော် ဘုရားကို နှစ်ပေါင်းများစွာ ကိုး ကွယ်လာတာ ဘယ်အခါမှ
ငါ့နာမည် တပ်၍ စကားမပြောဖူးဘူး။
ဤကဲ့သို့ စာကြည့်ရာမှနေ၍ ငါ့ဘက်သို့
လှည့်၍ကြည့်သည်ဟူ၍လည်း မရှိ၊သည်ကနေ့မှပဲငါ့ဘက်လှည့်တယ်။ငါ့နာမည်ကို
ခေါ်တော်မူတယ်။ ဟောလိုက်တဲ့တရားကလည်းမိနု၊သူ့ကြွေးရှိရင်ဆပ်ရလိမ့်မည်တဲ့။
တော်ပြီ၊ သေလမ်းဖြောင့်ပြီ၊ ငါ့ကို ဆရာတော်က သေစရိတ်ပေးလိုက်ပြီ” ဟု
ထပ်တလဲလဲပြောကာ ဝမ်းမြောက် ဝမ်းသာစွာနှင့်ပင် အာဏာ ပါးကွက်သားတို့၏
ခေါ်ဆောင်ရာသို့ ညိုးငယ်ခြင်း မရှိဘဲ လိုက် ပါသွား လေတော့သည်။
ဗုဒ္ဓ
တရားတော်ကို အတိုချုပ် သဘောပေါက်စေ သော သာဓကများ အနက် မယ်နု သည်
ပဉ္စဝဂ္ဂီတို့မှအငယ်ဆုံး ရှင်အဿ ဇိ ၏ “ယေဓမ္မာ”ဂါထာ ကို သတိရမိသည်။ ဘုရားရှင် ၏
တရားဦး နာပြီး ရှင်အဿ ဇိ ရာဇဂြိုလ်ပြည် ရှင်သာရိပုတ္တရာနှင့်တွေ့၍ ရှင်သာရိ
ပုတ္တရာမှ သူ့အားမေးသည်မှာ....................
” ငါ့ရှင် ၊ သင်၏ မျက်စိတို့သည် ကြည်လင်ကုန်၏ ၊ အရေအဆင်းလည်း
သန့်ရှင်းစင်ကြယ်ကုန်၏ သင်သည် အဘယ်သူကို ရည်၍ ရဟန်းပြုသနည်း၊
အဘယ်သူက သင်၏ ဆရာနည်း၊ အဘယ်သူ၏တရားကိုနှစ်သက်သနည်း”
ရှင်အဿ ဇိတ က “ငါ့ရှင် ၊ ငါသည် အငယ်သည် သာတည်း ၊ အဘိဓမ္မာကိုအကျယ် အားဖြင့် သင့်အားဟောကြား အံ့သောငှာ မတတ်နိုင်။
အကျဉ်းအားဖြင့် သော်ကား အနက်ကို ငါဆိုအံ့ ဟုဆိုကာ ယေဓမ္မာ ဂါထာကိုဟောတော်မူ၏။ အဓိပ္ပါယ်ကား.........................
“အကြင် တရားတို့သည် အကြောင်းလျှင် အမှန်ရှိကုန်၏
ထိုအကြောင်းကို မြတ်စွာဘုရားဟော၏
ထိုအကြောင်းတရားတို့ ချုပ်ငြိမ်းရာလည်း ရှိ၏
ထိုချုပ်ခြင်းကိုလည်း မြတ်စွာဘုရားဟော၏
ငါ၏ ဆရာရဟန်းကြီးသည် ဤသို့ အယူဝါဒရှိ၏”
မယ်နုသည် ထိုဂါထာတော်ကို ချင့်ချိန်ပြီး သာယာဝတီမင်း အသက်ကို ရန်ရှာခဲ့၍
သူနှင့် ယှဉ်ပြိုင်ရာ သူ အနိူင် ရသည်။ ရန်ကိုရန်ချင်းတုံ့ပြန်ခြင်းက
လမ်းဟောင်းကိုသာ ပြန်ရောက်စေသည်။
ဤအကြောင်းတို့ ချုပ်ငြိမ်း
ခြင်းကား ရန်ညိုး ရန်စ တို့ကို သင်ပုန်းချေ၍ သူ့အပေါ်တင်ခဲ့သောအကြွေး
မြန်မြန်ဆပ်ကာ ကြွေးမြီကင်းရှင်းပြီး ငြိမ်းချမ်းသော ဘဝသစ်ကလေးတစ်ခု
ထူထောင်နိုင်ရန် ဖြစ်ကြောင်းကို
နားလည် သွားခဲ့သည်။
သတ္တဝါတိုင်း
သူ့ထိုက် သူ့ကံ ဖြစ်သည်ဆိုလျှင် တစ်နည်းအားဖြင့် ငါ့ထိုက် ငါ့ကံဖြစ်သည်
မဟုတ်ပါလော။ ဆရာတော်က တရားကား သူမ အတွက်တော့ အဖိုးတန်ဆုံး
သေစရိတ်ပေးလိုက်ခြင်းဟု သဘောပေါက်သောကြောင့် မယ်နု ဝမ်းသာသွား ရှာသည် ။
ထိုနေ့ နေ့လည်ပိုင်းတွင် မယ်နု သည် ဘကြီးတော်အား နောက် ဆုံး သွားရောက်
ကန်တော့ နှုတ်ဆက်ခဲ့သည်။
“မောင်တော်ဘုရားရယ် ၊ နှမတော်ရဲ့ နောက်ဆုံး
ဝင်သက် ၊ ထွက်သက် မရပ်သွားမှီ နှမတော်ရဲ့ဘဝကို
အမြင့်ဆုံးမြှင့်တင်ပေးခဲ့တဲ့ မောင်တော် ဘုရားရဲ့ ကျေးဇူးအထွေထွေအတွက်
မောင်တော်ဘုရားရဲ့ ခြေတော်အစုံကို ဦးတိုက်ပြီး ကျေနပ်အောင်
ကန်တော့ခွင့်ပြုပါဘုရား” ဟုခြေတော် အစုံအား မျက်နှာ နဖူး ဆံပင်တို့ဖြင့်
ဦးတိုက်ကန်တော့နေစဉ် အဆောင်တော်တွင်း သမီးတော် ကလေး မယ်သဲ ဝင်လာသည်။
သမီးတော်လေး၏ စိတ်တွင် မကောင်းမှု တစ်စုံတစ်ခု ကိုခံစားမိနေသဖြင့် မယ်တော်၏
ရင်ခွင်တွင်း ပြေးဝင် ဖက်၍ ငိုလေသည်။
“မယ်မယ် ဘုရား၊ သမီးတော်ကလေး ကို ပစ်ထားပြီး ဘယ်ကို သွားနေတာလဲဘုရား သမီးတော်လေးမှာ လွမ်းလို့သေရတော့မယ်ဘုရား”
“မယ်မယ် ဘုရားလည်း သမီးတော်လေးကို လွမ်းနေပါတယ်။ အခုလည်း မယ်မယ် ဘုရားလေ
အရေးကြီးတဲ့ ကိစ္စရှိလို့ ဟိုး….. အဝေးကြီးကို ခရီးထွက်ဖို့ ရှိသေးတယ်။
သမီးတော်လေး ခမည်းတော် ဘုရားနဲ့ အတူ လိမ်လိမ်မာမာနေခဲ့နော် ၊ မယ်ဘုရား
စကားကို နားထောင်ပါကွယ်။”
ခမည်းတော် ၊ မယ်တော် ၊ သမီးတော်ကလေးတို့
မိသားစု အသိုက် အမြုံပြိုကွဲပြီး နောက်တစ်ကြိမ် ပြန်ဆုံခွင့်ဟူသော
မျှော်လင့်ချက်ကလေးပင် ဆုတ်ကိုင်ထားခွင့် ကင်းမဲ့ သွားသော ကြေကွဲဖွယ်ရာ
ချော့သူမရှိ ငိုပွဲ ကြီး ဖြစ်သည်။ မင်းမှုထမ်း ၊
ရံရွေတော်တို့ထိုမြင်ကွင်းကိုမကြည့်ရက်သဖြင့် တံခါး အကွယ်တွင် ကြိတ်ငို
ကြသည်။ တာဝန်အရ အမရပူရမြို့ဝန်ပင် မျက်ရည်ကျမည် စိုးသဖြင့် အဝေးသို့
ထွက်သွားကာ မင်းမှုထမ်းတစ်ဦး ကို
တီးတိုးပြောသည်။ထိုမင်းမှုထမ်းသည်မယ်နုဆီရောက်လာ၍.....................
“မိဘုရားကြီးထွက်ခွာဖို့အချိန်ကျပါပြီလို့မြို့ဝန်မင်းကပြောပါတယ်၊ နေရာက
ထပါတော့”နောက်ထပ် မင်းမှုထမ်း တို့သည် မယ်နုဆီ ဝင်လာပြီး လက်နှစ်ဘက်ကို
ဆွဲယူလိုက်ကြသည်။
တောင်သမန်အင်းရေပြင်အနီး သို့ရောက်သော် အာဏာ
ပကွက်သား တို့သည် နန်းမတော် မယ်နုအား ခဲ ထည့်ထားသော ရွှေနားကွတ် ကတ္တီပါ
အိတ်နီ တွင်ထည့်၍ ပိတ်ပြီး ရေပြင် သို့ ပြစ်ချလိုက် သည်။
မြှပ်မမြှပ်သေချာအောင်ခဏစောင့်ကြည့်သည် တောင်သမန်အင်းရေပြင်ပေါ်တွင်
ရေပွက်ကလေးတစ်ပွက် နှစ်ပွက်ထလာပြီး ရေပြင်မှာပြကတိ ပြန်ငြိမ်သွားပြီး
လေပြေညင်းကလေး ရေပြင်ထက်မှ ဖြတ်သန်းတိုက်ခတ်သွားသည်။နန်းမတော်မယ်နု၏
နောက်ဆုံးထွက်သက် ရေပွက်ကလေးမဟုတ်ပါလော။
""ကုန်းဘောင်ခေတ်၏မွန်းတည့်ချိန်ဘုန်းဩဇာအပြည့်နှင့် ရွှေအိမ်နန်းကြငှန်း
ထက်တွင် အမျိုးသမီးတို့ အတွက် အထွတ်ထိပ်ဖြစ်သော အဂ္ဂမဟေသီ
မိဖုရားခေါင်ရာထူးကိုရယူခဲ့သော်လည်းလူ့ဘဝသည်မည်သည့်အရာမျှကြာရှည် မတည်မြဲဘဲ
တစ်ခဏအချိန်တွင်းသာ ရှိသည်ကို နန်းမတော်မယ်နုက
သူမ၏နောက်ဆုံးထွက်သက်ရေပွက်ကလေးအချိန်မျှဖြင့်ကျွန်ုပ်တို့အားသင်ခန်းစာ
ပေးသွားခဲ့သည် မဟုတ်ပါလော။""
...သမိုင်းတို့သည်ကားအမြဲတစ်ပတ်လည်လေ့ရှိပါ၏။ဆင်ခြင်စဉ်းစားနိုင်ကြပါစေသတည်း.....
<<<ရေးသားသူ->>>
စစ်သွေး(၂၃-၁၂-၂၀၁၉)
Reference -
-နန်းမတော်မယ်နုရှာပုံတော်(တက္ကသိုလ်စိန်တင်)
-ညိုမြ (ကုန်းဘောင်ရှာပုံတော်)
-ကုန်းဘောင်ခေတ်စစ်တမ်း (မောင်သော်)
-ဒဂုန်ခင်ခင်လေး(ရတနာပုံ၏ နိဒါန်းနှင့်နိဂုံး)
-သမိုင်းပုံရိပ်Block
-မင်းနိုင်အောင်Block
